April 11, 2010
-
我好開心呢 呵呵呵
昨晚 約左幾個月既同表哥食飯 終於實行到喇
yoyo~~ 因為我地兩個星期日都唔得閒 所以一齊返星期六晚堂
第一次一齊做祟拜 超多波折 去到基覺小學 鎖左!! 唔係度聚會
行返過去博康幼稚園 又唔係呢度聚會 見到個工友 佢話起五育中學
打的飛過去 好彩無遲到 我表哥都話從來都無試過咁有心
哈哈 主耶穌一定好開心喇 見我地咁想親近佢
多謝表哥請我食壽司 講下佢起ireland 同india 同combodia 既旅行
佢勁叫我盡快去吳哥窟 一路collape 緊 我都想去
佢好鼓勵我去德蘭修女的仁愛之家 原來係walkin架
我都好想用多d人生的日子去同貧窮人一齊 想明白耶穌想人起世上學d咩
打聽完 都好想去 我都覺得日常生活唔係好惡劣 有水用已經好好
雖然我唔係護士 不過神一定安排左好多美好的經歷俾我既
感謝主 大聲讚美讚美神
淦璋終於可以做外科醫生 好開心呀
見到好朋友又再向無國界醫生的理想向前邁進左一步 心情激動
