March 27, 2011
-
面對過去的黑暗 最重要是可以好肯定的同自己講 「因為耶穌已經更新我的生命 現在的我已經不再一樣了」
星期一要去interview了 因為星期三要講talk都無咩時間預備
不過我都知interview會問我d咩 因為我諗個機構好concern join的人情緒係唔係好穩定
所以都有問有無曾經患過精神病的紀錄 我自己墳form個時都想隱瞞 因為我都覺得過去唔係咁光彩
但係我諗都係老老實實講 厄到人 但係神都知我講大話架啦 豈不知你去到去唔到是在於神 不是在於人嗎
同埋人始終要面對過去 同埋最重要係過去對現在的我有咩意義
我在medical form tick 曾經患過的病 tick 哮喘 氣管炎 tick得好輕鬆 但係我發覺自己唔想俾人知我以前有患過eating disorder 其實我係咪都係一樣歧視精神病康復者呢 點解我唔想tick呢
我13歲的時候患上心因性厭食症
一直都唔肯食野 每日靠飲水同聞食物的香味 同埋飲醋水令自己失去胃口
原因係我討厭軟弱的自己 我討厭自己做唔到最好 溫書成日都訓著 做唔曬d野
我討厭被身體控制的感覺 唔鍾意自己咁軟弱 我要用意志力贏身體 別人可以做到溫書唔訓著 我都可以
同埋我覺我 自己對腳真係好粗好唔靚 我唔滿意 我要控制身體 無野係努力的人得唔到的 別人有的 我努力都可以有
唔肯食野之餘 我仲唔肯坐 起屋企就企住溫書 唔俾自己咁舒服 唔俾自己訓著
我覺得係好個人的事 但係令到我家人好傷心
我爸爸係廚師 佢因為想我食野 煮過好多唔同的野俾我 我掂都唔掂
為左我 爸爸仲改變左一路以來的煮食習慣 一滴油都唔落 就係想我食少少野
當時學校老師將我的case交左俾一個註校社工 社工提出要我去見精神科醫生
我仲記得我爸好激動咁話 我個女無病唔駛睇個d醫生
之後3年我都要去油麻地見政府的醫生 我記得我第一次去個日間醫院
見到d hyperactive的小朋友 真係嚇親我同我媽咪 同埋我覺得d小朋友的家長真係好慘
好受小朋友個病折磨 我再望下我阿媽 覺得佢要為我咁受罪真係好慘
連我阿哥都因為無辦法令我食野 而絕望到喊
我唔食野 脫了很多很多的頭髮 有一次半夜溫書 突然之間成個人跌左落地 完任動彈不得 好彩阿哥起屋企 我心入面叫 阿哥 快d出黎 我暈左起廳 但係叫唔出
我阿哥起房衝出黎 但係我唔想衰俾佢睇 佢出黎之前我就已經用意志力扒返起身
最後我是怎樣康復的呢
我有一天企起身的時候 發覺自己一企起身就跪低左 我突然好驚自己一世都行唔到路 個感覺好恐怖 我就諗起我中學班主任話 對腳係要黎行 唔係要黎睇
我就同神講 對唔住呀 我真係好想可以行得返
因為驚會行唔到 之後我就開始食返野
醫生話 我因為長期的不食 而有輕微的骨質疏鬆 叫我做d負重運動
所以我就開始了我10年的柔道生涯 仲拎左不少的獎 同埋有斑好好的師兄姐
到今日 我兩份工都係靠對腳搵食 仲要行好長鐘數 我好感謝主俾我有強壯的腳
到底我而家係點睇我自己呢 點面對自己的軟弱呢
係唔係用耶穌的眼光看我自己呢 我有沒有相信上帝看我甚好甚好呢 我能不能關愛自己呢
就係明晚interview的重點了
感謝主俾我勇氣同機會面對自己的過去
Comments (1)
hey WWW, dunno if you remember me lah
im your primary schmate
jus happened to see your post.
didnt know you went thru such stuff before…
but i believe the past shapes our lives and makes us stronger.
wish you all the best!
add oil in your interview =)