服事人要甘心   否則就唔好服事

主耶穌我感謝你

神是信實的  叫萬事都互相效力叫愛神的人得益處

我最近愈來愈明白人性  因為經歷了一些事  有機會看見別人的軟弱  自己的軟弱

我面對著三隻狗 我就發覺自己真是太高估自己   人連面對三隻狗都已經不能專心祈禱

我又經歷 帶南亞小朋友去游泳

我就感到我對人的愛是很有條件

神對人的愛是無條件

神和人  立見分明

耶穌真是神  因祂身上沒有罪  沒有罪的律  罪的欲望

神呀  昨天發生的悲劇  求祢教導我 禱告

我求你叫所有人心中除去暴戾   求祢赦免我們的惡言  得罪你 叫你心痛

我好感謝神

我又到了一個位置  發生了很多事

然後神讓我看見  什麼是

萬事都互相效力  叫愛神的人得益處

上星期俾師兄鬧"你地呢d 80後一d都唔成熟  識嬲唔識做"

前晚發生的一件事   因為起cafe度玩card game  整爆左人地張玻璃桌

店主開價$3500  話只係買左三個月  要我地賠

但我地玩之前有問過可唔可以起度玩  店員都答ok  一答完兩秒張玻璃桌就碎左

因為我地有問過  而且同學有被玻璃整到  所以同學們都好嬲

同埋個店主都好老練  其實我都覺得佢作大  又話報警你地一定全賠  而家只係賠 $2000都已經平左

我覺得個晚真係好奇妙  因為我竟然玻璃一碎左無耐就開始祈禱 仲要一d都無嬲  好平靜

好想倚靠神 好想神叫呢個人良心發現

而且我發覺人  一出事好自然第一個反應係報警  倚靠警察

其實叫警察時  所衡量的 都是自己的贏面有幾大  只是想藉警察証明自己有理  唔係想有真公義

原來人性起利益有衝突時  雙方都怕自己受損時  所用的計謀 說話可以是如此 

但我打曬俾我電話簿入面沙展師兄師姐電話  竟然全部無人聽

我感謝神呀 多得無人聽  我先可以經歷到呢件事對我的啟發

仲要好心水清  好口才  好強勢的兩個同學都唔起度

仲要加埋最嬲個d同學在嬲但都無去同店主講

就得我同另一個好和平的同學去講

仲要好奇妙  我個晚好似一d判斷力都無   完全唔知邊個岩邊個唔岩

就只係祈禱  相信神見到  而且知道人心中的詭詐

個晚我聽到不同人都講了不同的話  

有埋怨的  有暴戾的  有憤怒的  有欺詐的 有辱罵的 有相爭的 有為面子的 自以為有理的 

然後我就好像見到這個人的心所充滿的   感覺好似睇戲咁  幾得意 

但睇到人心中的又有d恐怖  因為太真實  太赤裸裸的  原來人心所充滿的可以很醜陋

我都要好好向神認罪悔改  因為我都有嬲到在一旁 只嬲而不肯同店主講的同學

我覺得佢地只識埋怨  又指頭也不動  就想事情按自己的心意發展  

我即刻諗起師兄鬧我 "你地呢d 80後一d都唔成熟  識嬲唔識做"

原來其實我都係咁  意見多多  做個時就無承擔   講就天下無敵

而已我祈禱  神呀  呢個人(店主)好貪心   之後我就諗  其實我都好貪心

成日拎公司的文具返屋企用   又成日偷時間做自己野

我都係一個好貪心的罪人

而且個晚我不估為何竟然想起六龜的奶奶幾十年前的一個見証

我真係覺得好辛苦

做人要能屈能申   連大衛咁得神使用的人都要忍辱負重   扮傻

咁都堅持得住    因為佢都神關係真係好好

我就一點都不愛慕神 成日想要果效

我真係好想走呀

求主憐憫

對於我來說 最難的事 就是不能做大事 

天天在做無功效的事情 仲要用心做 

在最小的事上忠心 真係好難 

我真係好想有果效    唔想繼續浪費生命  

耶穌未出黎行走江湖 都係起寂寂無名的地方鬥木鬥左廿幾年

主呀  求你赦免我

因為我以果效去肯定和衝量自己和你手所造的人的價值

主呀 求你赦免我

因為我愛果效和成功勝過愛祢

主呀 求祢赦免我

因為我對神的事和神的試練欠缺耐性  以自己想要的時間去埋怨神的時間

主呀 求祢赦免我

因為我明明是知道祢手在我身上管教我 我卻終日唉哼  沒有感謝祢

主我的神 求祢憐憫我的軟弱

我感謝祢諸般的恩典  但我真的覺得很難捱

求祢賜聖靈引導我   學習祢要我學習的事  得著祢想我得到的生命改變

求祢求我脫離這處境  領我到寬闊之地

多謝耶穌

點解我咁差既呢 

唔識管理自己的時間

唔識做好自己的事

連準時食飯 準時交稅表  準時訓覺

準時起身 準時返工都做唔到

ohohohohohohoh~~~~

唉 覺得自己好無行動力呀  好廢

但這個廢是來自縱容自己休息完先做野

縱容今天的事明天才做

縱容自己發白日夢

咁大個人仲好似個小學生咁

哎呀

不停地訓  真的很恐怖

我都唔知係唔係病

話自己病又好似詐病

唔話自己病又講唔出點解咁無精神

感謝主 陪伴我

求主今晚陪伴佩儀一家渡過難關

2010 年7月7日

在我人生最低潮的時候　覺得生存一點喜樂都沒有　不明白為什麼要生存落去的時候
神同我講
我因你存活在地而覺得好開心　唔需要為我做任何事　我單單因你存活歡喜
這是我一生中聽過最美的話　從來無人同我咁樣講
每一次想起我都不停流眼淚　本來我像已死之人　
...但這句話中有神的愛和生命的力量　我聽到這句話後生命就開始改變
祂使我破碎的心重新有能力
我感謝神愛我咁深　而且俾我經歷到神愛的偉大
祂為我造美好的世界　　把我置在其中
為要我享受愛和被愛　　這就是我活著的目的
唯一能殺掉我們愛的能力的　令我們不能享受愛的關係　就是罪
然而耶穌已賜我們能力勝過罪惡

我神真偉大　讚美主!!!!!!

感謝主的帶領 我同耶穌終於完成了7年零40日的愛情長跑喇!!
我諗起人生第一日遇到主耶穌到昨天洗禮 其間的每一日我都覺得好甘甜 苦盡甘來
我經歷到神是有能力把悲慘轉變為祝福的全能神
洗禮 是終點也是起點 今日開始要寫愛的故事下集

...我因我的名我記錄在天上歡喜
我已確知我得著新生命
我好開心呀 神的靈使我的心踴躍 使我口歌唱 使我腳跳舞
我今日興奮地同左10個同事同一個 UN 的refugee講 我洗左禮 而家得著新生命 佢地都好開心呀

PS 喜悅要同人分享 我買左一KG的CREAMCHEESE 將會不斷整CHEESECAKE 有人想食就搵我啦 但要聽我分享

7 月4日

(耶穌說)要因你們的名記錄在天上歡喜
我感謝神讓咁多人黎  我多謝你地每一個  亦多謝不能來的人的祝福和祈禱 
我好開心呀 

今朝返祟基禮拜堂佢地又係今日做水禮崇拜  我同校牧講我今日下午洗禮
佢就按首祝福我   今日要得著新生命 神保守我的心  生命被神使用

今日洗完禮  感覺像完成長跑一樣滿足  神必獎勵我 
我感謝神 我肯跑 他就使我的靈強壯  過程學到好多野  了解多左耶穌 哈利路亞
 
我一直到昨晚才體會到我是蒙恩的罪人  我感謝主親自教導我
我一直以為自己生命都成長不少  性情都改善不少 差不多可以洗禮
但我發覺自己原來仍是一個罪人  
但耶穌說 正因你是罪人 你才更需要我 
我看見你被罪折磨 我才從天上降下為你釘十架 使你得釋放 
所以不要猶疑  現在就來接受我救恩